今日年初一，雖然祝賀說話我估大家都聽到無哂感覺，不過我都想祝大家身體健康，學業進步，財源滾滾來，家和萬事興。依幾句祝賀說話如果真係應驗既話已經夠哂屈機同滿足。
不過老老實實，新年氣氛一年比一年差已經係鐵一般既事實，但有一樣野應該一年比一年更加熱烈，就係拜年個陣，比班親戚盤問，讀緊書既當然問你升唔升到大學，又順道問下你拍左拖未，做緊野既又會問你做緊咩工，人工幾多。
以上既盤問令到好多人都怕左拜年，恨不得每次拜年都會拎把槍放係張枱到，然後大叫:『問呀!!邊個想問!!即管放馬過黎!』
不過其實另一角度諗，如果唔問依D野，其實拜年真係好悶，親戚之間有幾何唔知你D野丫，大家都唔想有Dead air發生，都係想氣氛開開心心，見到你面紅紅尷尷尬尬佢地班大人先會過癮，所以我地做下好心，幫下佢地，一年一次姐! 哈哈!
反正班後生仔每次拜年除左入門口同收利是先開金口之外，大部份時間都係拎部電話出黎禁禁禁禁禁.....我地就當比個機會，比人關心下我地，比個藉口同我地打開話題吧。
唔明我講咩唔緊要! 最緊要祝各位讀者新年進步! 繼續支持我啦!
孔明字。
Search